Ում է հակացուցված թուզ ուտել

Medicine a1news 2022-07-31 11:45:00 1413
Հետևեք մեզ՝ Telegram-ում
tuz_xrMVI.jpg

A1News.am-Թերևս թուզն ամենահանելուկային միրգն է ու նաև շատ օգտակար: Ապացուցված են թզի օգտակար ու բուժիչ հատկությունները: Թարմ թուզը հարուստ է շաքարով, օրգանական թթուներով: Որոշ սորտեր մինչև 71% շաքար՝ գլյուկոզա, լևուլեզ, սախարոզ, կիտրոնաթթու են պարունակում, անգամ՝ գլիցերինաթթու: Օգտակար հատկությունները Եթե հոգնած կամ քաղցած եք, ապա թուզը կօգնի վերականգնելու էներգիան ու առույգությունը, կազատի քաղցի զգացումից: Թուզը չի ծարավացնում:

Իզուր չէ, որ Ալեքսանդր Մակեդոնացու մարտիկներն արշավանքի գնալիս իրենց հետ թուզ էին վերցնում, քանի որ մարտից հետո թուզը վերականգնում էր նրանց ուժը: Շատերն իրավամբ թուզն անվանում են բնության կատարյալ ստեղծագործություն: Դրա օգնությամբ բուժում են թունավորումից, քանի որ կարգավորում է ստամոքսը, ակտիվորեն խթանում է լյարդի ու երիկամների աշխատանքը:

Օգնում է անգինայի դեպքում, երբ այն եփում են կաթով. ազատում է կոկորդացավից, հազից ու նաև ջերմիջեցնող հատկություն ունի: Եթե ձայնն է կտրվել, ապա 2 բաժակ կաթն ու 5 հատ թուզը պետք է եռացնել այնքան, որ կաթի կեսը գոլորշիանա: Խմել այդ խառնուրդի քառորդ մասը, օրական մի քանի անգամ: Եթե չոր հազի հետ գործ ունեք, պետք է մեկ բաժակ կաթի մեջ 4 թարմ թուզ գցել, ապա տրորել ու տաք վիճակում կես բաժակ խմել օրական 3 անգամ:

Խորհուրդ է տրվում թուզ օգտագործել թրոմբոզի հակում, տախիկարդիա ու անեմիա ունեցողներին, օգտակար է նաև սիրտ-անոթային հիվանդությունների, սրտխփոցի ու բրոնխիալ ասթմայի դեպքում: Թուզը հարուստ է կալիումով, որի անբավարարության դեպքում սրտամկանի ու կմախքի մկանունքի աշխատանքն է խանգարվում: Իսկ կալիումի սուր անբավարարության դեպքում սուր նևրալգիա է զարգանում: Օգտակար է նաև թզի բաղադրած երկաթը:

Իսկ այս մրգի թանձրահյութը թուլացնող հատկություն ունի, նվազեցնում է արյան մեջ խոլեստերինի քանակը: Նպաստում է ոչ խորը վերքերի արագ սպիացմանը, ուռուցքների ապաքինմանը. դրա համար օգտագործում են թզից պատրաստված խյուսը: Այդ օգտակար հատկությունների համար է, որ ճապոնացի գիտնականները թզի պտուղներից պատրաստված հակաուռուցքային դեղամիջոց են ստացել; Թզենու տերևներից ստացված եթերայուղը մանրէասպան հատկություն ունի, փափկացնող ու հակաբորբոքային ազդեցություն է թողնում:

Թզի էներգետիկ արժեքը կազմում է 300 կկալ 100 գրամում: Վտանգն ու հակացուցումը Թարմ թուզը գրեթե կողմնակի հետևանքներով ազդեցություն չունի ու հազվադեպ կարող է վնասել: Հակացուցում ունի միայն շաքարային դիաբետի պարագայում, սուր ստամոքս-աղիքային հիվանդությունների ու պոդագրայի դեպքում: Մնացած դեպքերում հակացուցումները կապված են թզի չրի շաքարի խտության հետ:

Ամենաօգտակարը պայծառ դեղին երանգավորում ունեցող թզաչիրն է: Սննդակարգի հետևելու պարագայում դա պիտանի չէ. բանն այն է, որ թզի չորացման ընթացքում սպիտակուցների քանակն ավելանում է 3-6%-ով, շաքարը՝ մինչև 50-70%, մինչդեռ թարմ պտուղներում ընդամենը 1% սպիտակուց ու 15-20% շաքար է պարունակվում: Սակայն դա ամենևին էլ չի նշանակում, որ թզաչիր ուտելով՝ իսկույն գիրանում ես մի 15 կգ: Բնական շաքարը հեշտ է յուրացվում: Պարզապես պետք է չափավոր օգտագործել. ցանկացած մթերք չափավոր քանակությամբ օգտագործման դեպքում միայն կարող է օգուտ տալ:

Չորացրած թուզը օրգանիզմի մշակած էներգիան կարող է կրկնապատկել, բարձրացնել տրամադրությունը, աշխատունակությունն ու ակտիվացնել մտավոր գործունեությունը: Թզաչիրը բջջանքի պարունակությամբ ռեկորդակիր է մյուս չրերի շարքում ու դրա շնորհիվ ստամոքս-աղիքային տրակտի կանոնավոր աշխատանք է երաշխավորում ու քաղցն է հագեցնում:

Օգտակար է օրգանիզմին անհրաժեշտ միկրոտարրերի ու վիտամինների առատությամբ: Թզաչիրը պարունակում է կալիում, մագնեզիում, երկաթ, կալցիում ու В խմբի վիտամիններ, բայց քիչ է ասկորբինաթթվի քանակը: Թզաչիրն օգնում է փորկապության դեպքում: Հակացուցումները Արդեն ասվեց, որ թուլացնող հատկություն ունի, ուստի հեռավոր ճամփորդությունից ու ժամեր տևող խորհրդակցությունից առաջ չի կարելի տարվել թզաչրով, եթե դիաբետ, պանկրեատիտ կամ էլ աղիքային սուր հիվանդություններ կան:

Հակացուցված է գիրության, ավելորդ քաշի պարագայում, քանի որ շատ կալորիական է ու նպաստում է մարմնի զանգվածի ավելացմանը: Մինչդեռ թարմ թուզը հակացուցումներ չունի: Թզաչիրը հղիության դեպքում Հղիության ընթացքում ամեն կին հետևում է իր սննդին, ու հաշվի առնելով թզի օգտակար հատկությունները՝ ապագա մայրիկները պետք է այն պարտադիր ներառեն օրաբաժնում, ընդ որում, ոչ միայն թարմ, այլև չրի տեսքով: Միայն եթե հղին շաքարային դիաբետով չի տառապում:

Պարզապես, պետք չէ այն ուտել այլ չրեղենի կամ էլ այլ սննդի հետ, քանի որ դա կարող է հանգեցնել առատ գազառաջացման:

Поделиться
Класс
Send