A1News.am-ՀՀ–ում կապիկի ծաղկի դեպք չի հայտնաբերվել, առողջապահության նախարարությունն էլ վստահ է՝ վարակի ներթափանցման ռիսկը ցածր է։ Այսպես են պատասխանել Sputnik Արմենիայի հարցմանը։
Վարակի ներթափանցման ռիսկը գնահատվում է ցածր, քանի որ վարակի փոխանցումը պահանջում է երկարատև սերտ շփում ախտանշաններ ունեցող անձի հետ:
Նախարարությունը դիմել է Առողջապահական և աշխատանքի տեսչական մարմնին և Սննդամթերքի անվտանգության տեսչական մարմնին՝ կանխարգելիչ միջոցառումներ ձեռնարկելու վերաբերյալ:
Բժշկական կազմակերպություններին ներկայացվել է շրջաբերական՝ «Կապիկի ծաղիկ» հիվանդության վաղ հայտնաբերման նպատակով զգոնությունը բարձրացնել ուղղությամբ։
ՀՀ սննդամթերքի անվտանգության տեսչական մարմնի ղեկավարի հրամանով՝ մայիսի 28-ից մինչև նոյեմբերի 28-ը արգելվել է ՀՀ տարածք պրիմատների և կրծողների կարգին պատկանող կենդանատեսակների ներմուծումը։
