A1News.am-Այսօր՝ նոյեմբերի 16-ին, ավտովթար է տեղի ունեցել Արարատի մարզում։
Ժամը 12։00-ի սահմաններում Ավշար գյուղում՝ «GSA» էլեկտրոնիկայի խանութի դիմաց, բախվել են Արարատի մարզի բնակիչներ՝ 27-ամյա Խաչիկ Փ-ի վարած BMW մակնիշի և 59-ամյա Ազատ Թ-ի վարած Nissan մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Nissan-ի ուղևոր՝ Արարատի մարզի բնակիչ, 46-ամյա Ն. Թ-ն մարմնական վնասվածքով տեղափոխվել է«Արարատ» ԲԿ։
Վթարի մասին ՃՈ 177 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է Հայաստանի քննչական կոմիտեի Արարատի մարզային քննչական վարչության Վեդիի քննչական բաժին, որտեղից ժամանել է քննչական խումբը՝ ավագ քննիչ Աբրահամյանի գլխավորությամբ, ում կողմից նախաձեռնվել է վարույթ։
