A1News.am-Երեկ՝ հոկտեմբերի 27-ին, ավտովթար է տեղի ունեցել Գեղարքունիքի մարզում։
Ժամը 15։20-ի սահմաններում Ճամբարակ քաղաքի Սարալանջի փողոցում բախվել են Ճամբարակ քաղաքի բնակիչ՝ 29-ամյա Վրեժ Շուշանյանի վարած ՎԱԶ 2115 մակնիշի և Երևանի բնակիչ՝ 34-ամյա Արևիկ Հովհաննիսյանի վարած Volkswagen Golf մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Ա. Հովհաննիսյանը, նրա ուղևոր՝ 35-ամյա Մելինե Երիցյանն ու Վ. Շուշանյանի ուղևոր՝ Ճամբարակի բնակիչ, 41-ամյա Ռուբիկ Մուսայելյանը մարմնական վնասվածքներով տեղափոխվել են «Ճամբարակ» ԲԿ։
Գ. Շամշյանի տեղեկություններով՝ վարորդներից Վ. Շուշանյանն աշխատում է Ճամբարակի համայնքապետարանում՝ քաղաքաշինության բաժնի առաջատար մասնագետ։
