Արթուր Դավթյանը նվաճեց երկրորդ ոսկե մեդալը

Սպորտ a1news 2023-03-04 21:08:00 123
Հետևեք մեզ՝ Telegram-ում
artur-davtyan_Oj78B.jpg

A1News.am-Հայաստանի մարմնամարզության հավաքականի անդամ, Օլիմպիական խաղերի բրոնզե մեդալակիր, աշխարհի և Եվրոպայի չեմպիոն Արթուր Դավթյանն աշխարհի գավաթի խաղարկությունում նվաճեց երկրորդ անընդմեջ ոսկե մեդալը: 

Կատարի մայրաքաղաք Դոհայում ընթացող աշխարհի գավաթի խաղարկության երկրորդ փուլի առանձին գործիքների հենացատկի վարժության եզրափակիչում Արթուր Դավթյանը հավաքեց 15.083 միավոր և զբաղեցրեց առաջին տեղը: 

Արթուր Դավթյանը ոսկե մեդալակիր էր դարձել նաեւ Գերմանիայի Կոտբուս քաղաքում տեղի ունեցած աշխարհի գավաթի առաջին փուլում (15.133 միավոր):

Դոհայում տեղի ունեցած աշխարհի գավաթի երկրորդ փուլում Արթուր Դավթյանը միակ մեդալակիրն էր: Նախորդ օրը օղակների վարժության եզրափակիչում Հայաստանի երկու ներկայացուցիչներ Արթուր Ավետիսյանն ու Վահագն Դավթյանը մեդալ չէին նվաճել:  

Արթուր Ավետիսյանը եզրափակիչում վաստակել էր 14.733 միավոր եւ զբաղեցրել 4-րդ տեղը: Վահագն Դավթյանը 14.466 միավորով 7-րդն էր:

Поделиться
Класс
Send