Արտակարգ դեպք Երևանում․ 2-ամյա երեխան ցած է ընկել 4-րդ հարկի պատուհանից

Իրադարձային a1news 2023-03-09 19:35:00 258
Հետևեք մեզ՝ Telegram-ում
erexa-hivandanoc_lPvAq.jpg

A1News.am-Երեկ՝ մարտի 8-ին, արտակարգ դեպք է տեղի ունեցել Երևանում։

Ժամը 14:30-ի սահմաններում «Սուրբ Աստվածամայր» բժշկական կենտրոնից Ոստիկանության Մալաթիայի բաժին ահազանգ է ստացվել, որ «ԳՈՒՎ, պնևմոթորաքս, ազդրոսկրի կոտրվածք և ցայլքի կոտրվածք» ախտորոշմամբ իրենց մոտ բուժօգնության է տեղափոխվել մի երեխա։

Ինչպես հայտնում է ֆոտոլրագրող Գագիկ Շամշյանը՝ հիվանդանոց են մեկնել ՀՀ Ներքին գործերի նախարարության ոստիկանության Մալաթիայի բաժնի հերթապահ խումբը՝ անչափահասների գործերով բաժանմունքի տեսուչ Մնոյանի գլխավորությամբ։

Ոստիկանները պարզել են, որ հիվանդանոց տեղափոխվածը Երևանի բնակիչ 2-ամյա Լեո Ո.-ն է։

Արդեն հիվանդանոցում երեխայի մայրը ոստիկաններին հայտնել է, որ նույն օրը ժամը 14:00-ի սահմաններում երեխան՝ իր որդին, իրենց տան ննջասենյակի պատուհանը բաց լինելու հետևանքով, անզգուշաբար ցած է ընկել։

Գ. Շամշյանի տեղեկություններով՝ երեխան ընկել է 4-րդ հարկից։

Поделиться
Класс
Send