Արտակարգ դեպք՝ Զվարթնոց օդանավակայանում

Իրադարձային a1news 2022-12-26 11:37:00 684
Հետևեք մեզ՝ Telegram-ում
zvartnoc_HZJij.jpg

A1News.am-Երեկ՝ դեկտեմբերի 25-ին, ոստիկանության Զվարթնոց օդանավակայանի բաժնի ծառայողները, համագործակցելով ՀՀ ոստիկանության պարեկային ծառայության Երևանի գնդի 4-րդ գումարտակի 3-րդ վաշտի պարեկների հետ, նկատել են Զվարթնոց օդանավակայանի մեկնման սրահում կասկածելի քաղաքացու, ով, տեսնելով ոստկաններին ու պարեկներին, դիմել է փախուստի, ու երբ սկսվել է նրա հետապնդումը, նա իր մոտ եղած ձեռքի պայուսակից դուրս է հանել ատրճանակը և շպրտել։

Ինչպես հայտնում է ֆոտոլրագրող Գագիկ Շամշյանը, ոստիկաններն ու պարեկները մոտ կես կիլոմետր հետապնդել են այդ քաղաքացուն, ապա բերման ենթարկել ոստիկանության Զվարթոցի գծային բաժին։

Պարզվել է, որ նա Կոտայի մարզի բնակիչ՝ 21-ամյա Արթուր Ա-ն է, ում մոտից անձնական խուզարկությամբ հայտնաբերվել է ծալովի դանակ, 12 հատ անհայտ տրամաչափի փամփուշտ և նրա կողմից հետապնդման ժամանակ շպրտված առանց գործարանային համարի ատրճանակ։

Դեպքի փաստով Հայաստանի քննչական կոմիտեի Երևան քաղաքի քննչական վարչության Մալաթիայի քննչական բաժնում նախաձեռնվել է վարույթ։ Արթուր Ա-ն և հայտնաբերված զենքը, փամփուշտներն ու դանակը ներկայացվել են Մալաթիայի քննչական բաժին։ 

Поделиться
Класс
Send