A1News.am-SHAMSHYAN.com-ի տեղեկություններով՝ երեկ՝ դեկտեմբերի 27-ին, ոստիկանության «Զվարթնոց» օդանավակայանի և նույն օդանավակայանի ավիացիոն անվտանգության հսկողության կազմակերպման և իրականացման աշխատակիցների կողմից «Զվարթնոց» օդանավակայանում հայտնաբերվել է մի քաղաքացի, ում մոտ հայտնաբերվել է մարտական ատրճանակ։
Ինչպես հայտնում է ֆոտոլրագրող Գագիկ Շամշյանը, ոստիկանության «Զվարթնոց» օդանավակայանի գծային բաժնում քրեական հետախուզության խմբում օպերատիվ տեղեկություններ էին ստացվել, որ Երևան-Մախաչկալա չվերթի ուղևորներից մեկի ուղեբեռում զենք կա։
Տեղում պարզվել է, որ այդ անձը, ում ուղեբեռում հայտնաբերվել է «CTT» գրառմամբ ատրճանակ, ՌԴ քաղաքացի, 21-ամյա Մոհամեդ Մ-ն է։ Վերջինս «Զվարթնոց» օդանավակայանի հատուկ զննման գոտուց բերվել է ոստիկանության Զվարթնոցի գծային բաժին, ապա ներկայացվել Հայաստանի քննչական կոմիտեի Երևան քաղաքի քննչական վարչության «Զվարթնոց» օդանավականի քննչական բաժին, որտեղ փաստի առթիվ նախաձեռնվել է վարույթ։
