A1News.am-Արտառոց դեպք սահմանամերձ Մովսես գյուղում
Հունվարի լույս 21-ի գիշերը անհայտ անձը Բերդ համայնքի սահմանամերձ Մովսեսի թաղամասերից մեկում ժամը 02։30-ի սահմաններում ծակել է կայանած բազմաթիվ ավտոմեքենաների անվադողերը, վառել անվասայլակի մեջ դարսված անասնակեր խոտը։
Ըստ գյուղացիների` հունվարի լույս 22-ի գիշերն էլ նույն թաղում իր տան երկրորդ հարկից իջնելով՝ Մովսեսի բնակիչներից մեկը նկատել է անծանոթի, հարցրել է՝ ո՞վ ես, անծանոթը փախուստի է դիմել։
Դեպքի վերաբերյալ բնակիչները դիմել են ոստիկանություն։
