A1News.am-ԱՄՆ-ում բնակություն հաստատած դերասանուհի Մերի Մակարյանը երգչուհի Շպտոտի հաղորդման հյուրն էր։ Դրա շրջանականերում նա խոսել է դստերը դաստիարակելու իր մեթոդների մասին և ոչ միայն։ Մերիի խոսքով՝ երբ ինքը ամուսնանալու և ԱՄՆ-ում հաստատվելու որոշում էր կայացրել, շատերը հորդորում էին, որ չգնա այդ քայլին, քանի որ վայելում է իր փառքը։
Ըստ Մերիի՝ ինքը շատ լավ գիտակցում էր, որ կյանքում ամենակարևորը սեփական ընտանիք ստեղծելն է։ Դերասանուհու խոսքով՝ շատ էր ցանկանում ամուսնանալ և մայրանալ։ Նրա խոսքով՝ հենց հանդիպել էր Վարդանին, գիտակցել էր, որ նա հրաշալի հայր կլինի։
Մերին հաղորդման շրջանակներում նաև խոստովանել է, որ ամիսը մեկ անգամ ունենում է պոռթկումներ, բարձրանում է վերևի հարկում գտնվող սենյակ և լաց է լինում։ Ըստ նրա՝ իրեն միայն կարողանում է վերադարձնել իրականություն դուստրը՝ Էլիզան, ով խնդրում է իրեն այլևս չլացել։
Մերիի խոսքով՝ ընտանիքի անդամներին է էլ ասում է, որ պարզապես իր մայրիկին է կարոտել։ Հիշեցնենք, որ Մերի Մակարյանն ու Վարդանն ամուսնացել են 2017 թվականին՝ ԱՄՆ-ում: Հավելենք նաև, որ ամիսներ առաջ լուրեր էին շրջանառվում, որ զույգը բաժանվել է:Պատճառն այն էր, որ Վարդանը չէր երևում Մերիի լուսանկարներում ու հրապարակումներում:
Սակայն տևական դադարից հետո Մերին կրկին սկսեց հրապարակումներ անել ամուսնու մասնակցությամբ՝ դրանով հերքելով ամուսնալուծության մասին ասեկոսեները:
