Գողության համար չեն մտել․ Իրավապաշտպանը՝ Պեմզաշենի դեպքերի մասին

Իրադարձային a1news 2022-11-28 11:36:00 696
Հետևեք մեզ՝ Telegram-ում
pemzashen-spanutyun_O1W9U.jpg

A1News.am-Շաբաթներ առաջ Պեմզաշենում կատարված ոճրագործությունը ցնցեց բոլորին: 31-ամյա կնոջ  ու  նրա 2-անչափահաս երեխաների  առանձնակի դաժանությամբ սպանությունը  կաթվածահար արեց մարդկային բանականությունը:

Ըստ իրավապահ մարմինների ՝ ընտանիքի ենթադրյալ սպանդն իրականացրել են նույն գյուղի բնակիչ, 31 տարեկան մի տղամարդ՝ Վրույր Բարսեղյան տվյալներով անձը և Արկադի Բարսեղյան տվյալներով՝ 42-տարեկան մեկ այլ տղամարդ,ով հանդիսանում է Վրույր Բարսեղյանի ազգականը:

Համաձայն ՀՀ քննչական կոմիտեի հաղորդագրության՝ Շիրակի մարզային քննչական վարչության Անիի և Արթիկի քննչական բաժնում դեպքի առթիվ նախաձեռնվել է քրեական վարույթ,որի ընթացքում պարզվել են էական նշանակություն ունեցող հանգամանքներ:

Տարածված հաղորդագրութունում հատկապես ուշագրավ է այն հանգամանքը,թե՝ 32-տարեկան Վրույր Բարսեղյանը տառապում է «Անձի էմոցիոնալ խանգարում՝ սուիցիդալ մտքերով» հոգեկան հիվանդությամբ: Վրույր Բարսեղյանն իր ինքնախոստովանական ցուցմունքով հայտնել է՝ «Մտել է գողության համար,վախենալով սպանել է»: «Կյանքի իրավունք» իրավապաշտպան ՀԿ-ի նախաագահ  Ռուզան Ադանալյանը , անելով սեփական վերլուծությունը, hraparak.am-ի հետ զրույցում  ասում է․«Համադրելով եւ վերլուծելով փաստերը՝ ողջամտորեն ենթադրվում է,որ տուժողների տուն գողության համար չեն մտել, քանի որ ի սկզբանե հայտնած տեղեկությունների համաձայն՝ գողության (ուրիշի գույքը հափշտակելու)հետքեր դեպքի վայրում չեն հայտնաբերվել, ավելին՝ Զարինե Մելիքսեթյանի ականջներից ականջօղերը չեն գողացել:Սակայն կարծում եմ գողության պատրանք ստեղծելու նպատակով՝ հետագայում որոշ դրվագներ են ավելացվել, նշելով, թե՝ իբր խոհանոցում գտնվող պայուսակի մեջ փող են փնտրել և իբր թե՝ կնոջ պարանոցի շղթան են գողացել:Ավելին,Վրույր Բարսեղյանը հանցագործությունն ավարտին հասցենելուց հետո գնացել է Երևան,շղթան վաճառել 32.000(երեսուն երկու հազար) ՀՀ դրամով, որն օգտագործել է իր զվարճանքների  համար:Մինչդեռ Վ.Բարսեղյանին կոնկրետ գումար է պետք եղել,որն էլ ըստ էության ստիպել է վերջինին դիմել գողության: Գողություն կատարելու նպատակով Մելիքսեթյանների տուն մուտք գործելու վարկածին չեն հավատում անգամ ամենաշարքային քաղաքացիներն ու գյուղացիները: Ըստ իս՝ դեպքին մտացածին և արհեստական մոտիվներ ավելացնելը կարող է ավելի ակնբախ դարձնել դրանց իրականությանը չհամապատասխանելու փաստը:

Ինչ վերաբերում է Վրույր Բարսեղյանի հոգեկան հիվանդ լինելու հանգամանքին,ապա առանց նրան դատահոգեբուժական փորձաքննության ենթարկելու,որը ստացիոնար պայմաններում կատարելու համար բավական ժամանակ է պահանջվում և առանց փորձագիտական արժանահավատ եզրակացության՝ նման տեղեկությունը ժամ առաջ հասարակությանը հրամցնելու փաստին,ապա ենթադրվում է,որ արդեն իսկ առկա է շահագրգռվածություն՝ շահարկելու Վ.Բարսեղյանի անմեղսունակ լինելու հարցը և չի բացառվում, նաև հետագայում այն հօգուտ մեղադրյալների օգտագործելու նպատակները : Իսկ,թե որ մի փորձագետը կարող է գնալ նման հանցագործության՝ կերևա նախաքննության ընթացքում:

Բացի այդ, Վրույր Բարսեղյանի հոգեկան առողջության կենտրոնում գրանցված լինելու կապակցությամբ առաջ են գալիս պարզաբանման ենթակա հարցերի մի ողջ փաթեթ:Օրինակ՝ արդյո՞ք տվյալ կենտրոնում զինվորական ծառայությունից հնարավոր խուսափելու ժամանակահատվածում չի գրանցվել կամ գրանցված օրվանից պարբերաբար ստացե՞լ է արդյոք համապատասխան բուժում և, եթե այո,ապա կոնկրետ ի՞նչ դեղորայք է ստացել և ինչպիսի՞ հաճախականությամբ, ունի՞ արդյոք հիվանդության պատմության ամբուլատոր քարտ,գտնվե՞լ է արդյոք հոգեբույժի մշտական հսկողության տակ և կոնկրետ ո՞ր հոգեբույժի և այլն:Հակառակ պարագայում և կարծում եմ գաղտնիք չէ,որ ցանկացած անձ կարող է ինչ-ինչ հանգամանքներից բխող անհրաժեշտությունից դրդված դառնալ հոգեբուժարանում գրանցված հիվանդ:Ի դեպ նշեմ,որ ըստ մասնագետների «Նշված հոգեկան հիվանդություն ունեցող անձի մտքերն ուղղված են ինքնաոչնչացմանը»:Սակայն,ինչպես տեսնում եք,  տվյալ «հոգեկան հիվանդը» չի սպանել ոչ ինքն իրեն և ոչ էլ իր հարազատներին:

Հետաքրքիր կլիներ նաև իմանալ, թե օրինակ Վրույր Բարսեղյանը գումարի կարիք ունենալու դեպքում այլ գողություններ երբևէ կատարե՞լ է ,թե՞ սա առաջին դեպքն է:Կամ գողության ժամանակ, ըստ ինքնախոստովանական ցուցմունքի՝ «վախենալու» պատճառով երբևէ մարդկանց (երեխաների) սպանել է՞,թե սա ուղղակի առաջին դեպքն է:
Խիստ տարակուսելի է նաև վկայի՝ հարևանի հայտնած տեղեկությունները, վարքագիծը, մասնավորապես ձայներ չլսելու,հետո՝ իբր մի հատ «վայ» լսելու,այնուհետև՝ «հայավարի» մտածելու մասով՝ համոզված եմ, քիչ հավանական է, իսկ հետևություններն՝ ակնհայտ» :

Ըստ պաշտոնական տեղեկատվության՝Վրույր Բարսեղյանի տանից հայտնաբերվել է արյունոտ կոշիկներ և արյունոտ դանակ,որը նա  պահել է իրենց տան խոհանոցի դարակներից մեկում: Ռուզան Ադանալյանը այստեղ այլ նկատառում ունի․«Եթե Պեմզաշենի և Մարալիկի միջև գտնվող հանդերում հայտնաբերվել են հագուստներ,ապա ինչպես կարող էր հանցավորը՝ այն էլ հանցագործության գործիք հանդիսացող դանակը պահել իր տան խոհանոցի դարակում ,սա ուղղակի զավեշտ է:Իսկ թե հայտնաբերված այդ միակ դանակը  կարո՞ղ է արդյոք հանդիսանալ սպանության գործիքը և տուժողներին հասցված կտրած –ծակած  մարմնական վնասվածքներն իրենց չափերով և բնույթով կարո՞ղ են արդյոք համապատասխանել տվյալ դանակի չափերին և այլն,ցույց կտան ՀՀ առողջապահության նաարարության դատաբժշկական գիտագործնական կենտրոնի դատաբժիշկների եզրակացությունները և հիմք ընդունելով նույն կենտրոնից նախկինում տրամադրված մի շարք այլ եզրակացություններ՝ կարող եմ փաստել,որ՝ քիչ հավանական  Է:Ի դեպ,  այս գործով ցուցաբերած անգնահատելի օժանդակության և մասնագիտական պարտականությունները պատշաճ կատարելու համար՝ ՀՀ քննչական կոմիտեի նախագահ Արգիշտի Քյարամյանն ի նշան գոհունակության՝ շտապել է հուշանվերներ հանձնել գիտագործնական կենտրոնի՝ (եթե չեմ սխալվում ) թվով-5 աշխատողների:
Դատելով ծավալված դեպքերի և հանգամանքների հաջորդականությունից,Վրույր Բարսեղյանի ինքնախոստավանական ցուցմունքից և դրան զուգահեռ՝ նրա հոգեկան հիվանդ լինելու հանգամանքից՝ ակնհայտ է նաև, որ կասկածելիորեն  հատուկ ջանասիրություն է դրսևորվում հնարավորինս զերծ մնալ Արկադի Բարսեղյանի և նրա հնարավոր գործողությունների մասին տեղեկություններ հայտնելուց:

Հերթական առեղծվածային սպանության  մասին լռում են շատերը, իսկ որոշները, այդ թվում նաև նեղ մասագիտական ոլորտի անձինք՝ մակերեսային և վերացական մոտեցում են ցուցաբերում, պատճառաբանելով,թե բա՝ ամեն ինչ նախաքննությունը ցույց կտա:Ինչ խոսքմ,  նախաքննությունն ամեն ինչ «հաստատ ցույց կտա»:

Եթե նկատել եք,դեպքի մասին աղաղակում ու աղմկում է միայն մամուլը և հասարակ քաղաքացին, սակայն որևէ մեկ պետական այր, թե՛ իշխանությունից և թե՛ ընդդիմությունից խոսել ե՞ն այս մասին,կասկածելի լռություն է չէ՞,թե՞ սրանց համար մարդն իր ֆիզիկական գոյությամբ կարող է պետք գալ միայն հավաքների ժամանակ՝ որպես
գլխաքանակ», ընդգծում է մեր զրուցակիցը՝ հավելելով․ «Վերջերս,եթե չեմ սխալվում ԱՄՆ նահանգներից մեկում մի նեգրի էին սպանել՝ կարծեմ ռասսայական հողի վրա,նեգրերի մի ամբողջ բանակ էր դուրս եկել:

Մելիքսեթյանների ընտանիքը մեզանից յուրաքանչյուրն է և վստահ եմ,որ ինչպես բոլորի,այնպես էլ նրանց անգամ վատ երազում և մտքի ծայրով չէր կարող անցնել,որ իրենց հետ այդպես կվարվեն, երբ ապրում ու արարում էին Հայաստան Պետության  հովանու ներքո,ինչը խորը մտահոգության տեղիք է տալիս»:

Поделиться
Класс
Send