A1News.am-Մեծ Բրիտանիայում 14-ամյա դեռահասին մեղադրում են 12-ամյա աղջկա սպանության մեջ։ Այս մասին հայտնում է Mirror հրատարակությունը։
Միջադեպը տեղի է ունեցել Լիվերպուլի կենտրոնում 2021 թվականի նոյեմբերին։ Ըստ քննիչների՝ ամբաստանյալը սպանել է աղջկան Snapchat-ի տեսանյութի շուրջ ծագած վիճաբանությունից հետո։ Փողոցում հանդիպելով աշակերտուհուն՝ դեռահասը դանակով հարվածել է նրա պարանոցին և դիմել փախուստի։
Տեսահսկման տեսախցիկների տեսագրություններում իրավապահները պարզել են, թե ինչպես կարճ ժամանակ անց դպրոցական տղան ընկերների հետ գնացել է խանութ՝ բլիթների համար կարագ գնելու։ Դրանից հետո տղան գնացել է բլիթներ թխելու ու «Call of Duty» խաղալու։
Ըստ ամբաստանյալի՝ ինքը դանակահարել է ինքնապաշտպանության նպատակով: Սակայն դատախազ Շառլոտա Նյուելը կարծում է, որ դեռահասը նախօրոք պատրաստվել է սպանությանը։
Այս պահին դատաքննությունը շարունակվում է։ Նյուելը երդվյալ ատենակալներին ասել է, որ նրանք պետք է որոշեն՝ ամբաստանյալը դանակով հարվածել է դիտավորյալ, թե պատահաբար, և արդյոք դա ողջամիտ ինքնապաշտպանություն է եղել:
«Նա ընդունակ է եղել դանակ կրելու որոշում կայացնել։ Նա կարողացել է որոշել օգտագործել այն, և նա կարողացել է կրկին ու կրկին ու կրկին ստել դրա մասին», - ասել է Նյուելը իր ելույթում:
