A1News.am-Սիրված դերասան Հարություն Մովսիսյանն անդրադառնալով երկրի ներքաղաքական իրավիճակին եւ հասարակության որոշ շրջաններում ձևավորված դժգոհության ալիքին, ասել է. «Մեր ազգը երկար տш նջվեց, այժմ շատ կարեւոր է, որ չսխալվի, որ իր հույսերն արդարանան…
Բայց եթե էս ամենի գլխին կանգնած է Նիկոլ Փաշինյանը, ամեն ինչ լավ կընթանա: Նա երդվյալ տղա է, ասում է, որ եթե ինքն էլ սխալվի, իրեն էլ հանենք… Չի ասում, որ հավերժ է եկել իշխանության»: Նա հավելել է, որ ժողովուրդը ինչպես որ չի կարող վատ դերասանի սիրել, այնպես էլ` քաղաքական վատ գործչի…
Անդրադառնալով նախորդ իշխանություններին նա ասել է. որ նրանք ժողովրդի շրջանում լավ տպավորություն չեն թողել, իսկ Փաշինյանի հետևում կանգնած է ամողջ հայ ազգը: Սիրված դերասանը կարևորում է ընդդիմության դերը, ընդդիմադիր գործիչներին համեմատելով թատերագետների հետ. «Երբ դերասանը լավ չի խաղում, թատերագետը քննադատում է նրան, նույնը քաղաքական դաշտում պետք է լինի»:
Դերասանը երազում է, որ Հայաստանում շատ կուսակցություններ չլինեն, լինեն միայն երկուսը. «Թե չէ յուրաքանչյուրն իր կուսակցական շահերն է առաջ տանում, ժողովրդի մասին չեն մտածում, այլ իրենց կուսակցության անդամների»: Նա նաև ցանկություն հայտնեց, որ Հայաստանում գա մի օր, երբ մարդիկ քաղաքականությունից չխոսեն ու․․․«Ցանկանում եմ ամեն մեկս սուսուփուս մեր գործն անենք»:
