A1News.am-Մայիսի 25-ին՝ Երևանի ժամանակով ժամը 22։35-ին, Հայաստանը տիեզերք է արձակել իր առաջին արհեստական արբանյակը, սակայն մինչ օրս արբանյակից արված լուսանկար չի հրապարակվել։
Radar Armenia-ն հարցում էր ուղարկել ՀՀ բարձր տեխնոլոգիական արդյունաբերության նախարարություն՝ պարզելու, թե ի վերջո երբ է նախատեսված լուսանկարի հրապարակումը։
ԲՏԱ նախարարությունից պատասխանել են. «ARMSAT-1 արբանյակից արված առաջին տիեզերալուսանկարի ստացումը նախատեսվում է սարքի թեստավորման գործընթացի ավարտից հետո»։
Հիշեցնենք, որ հայկական պետական «Գեոկոսմոս» ՓԲԸ-ի և իսպանական «Սատլանտիս» ընկերության համագործակցության արդյունքում «SpaceX» ընկերության Falcon-9 հրթիռով Երկիր մոլորակի ուղեծիր դուրս բերված ՀՀ առաջին տիեզերական արբանյակը դեռ կառավարման կենտրոն չունի մեր երկրում:
