A1News.am-Թուրքիայում երկրաշարժերի հետևանքով զոհերի թիվը հասել է 35418-ի, այս մասին երեքշաբթի՝ փետրվարի 14-ին, հայտարարել է Թուրքիայի առաջնորդ Ռեջեփ Թայիփ Էրդողանը։
Այս մասին հաղորդում է Iz.ru-ն։
«Քահրամանմարասում երկրաշարժերի մասշտաբներն ու ավերիչ լինելը համարվում են բացառիկ բնական երևույթ։ Ողորմություն եմ մաղթում իմ 35418 զոհված քաղաքացիներից յուրաքանչյուրին։ Ես ապաքինում եմ մաղթում 105505 վիրավորներին, ովքեր փրկվել են»,- ասել է նա Անկարայում կառավարության նիստից հետո:
Ավելի վաղ նա ասել էր, որ Թուրքիայում ավելի քան 8000 մարդ ողջ-ողջ դուրս է բերվել փլատակների տակից, իսկ երկրաշարժից տուժած երկրի շատ քաղաքացիներ արդեն դուրս են գրվել հիվանդանոցներից։
