A1News.am-Լրագրող Հակոբ Կարապետյանը «Ֆեյսբուքի» իր էջում գրել է.
«Մեր արբանյակի անունը Urdaneta է։ Ուրդանետան բասկյան ծագմամբ իսպանական տոհմանուն է, որը տարածված է հատկապես Վենեսուելայում։ Ֆիլիպիններում Ուրդանետա անունով քաղաք կա, որն անվանակոչված է 16-րդ դարի ճանապարհորդ Անդրես դե Ուրդանետայի պատվին։
Թե ինչու են մեր արբանյակին Ուրդանետա անունը տվել, հայտնի չի, հավանաբար SpaceX-ի ինչ-որ օղակում որոշում կայացնողները ինչ-որ պատճառ են ունեցել։ Ի դեպ, երբեմն լինում են դեպքեր, որ Հայաստանի հետ ուղղակիորեն կապ չունեցող տիեզերական օբյեկտների վրա հայկական անուններ են դնում։ Օրինակ՝ Գառնի կրատերը Մարսի վրա և այլն։ Ամեն դեպքում, հետաքրքիր կլիներ իմանալ մեր Ուրդանետայի անվանակոչության պատմությունը։
Սուվերեն արբանյակ ունենալը կարևոր իրադարձություն է։ Հուսով եմ՝ դրանից օգուտ կքաղենք։ Գրածս իմանալու համար է, ինչ-որ քաղաքական, պատմահոգեբանական, մոգական կամ այլ ենթատեքստ չունի»։
