A1News.am-Ամռանը խորհուրդ է տրվում ավելի շատ հեղուկ խմել, բայց դա չի վերաբերում գարեջրին: Երկու պատճառների մասին, թե ինչու այդ ըմպելիքով պետք չէ հագեցնել ծարավը, Sputnik ռադիոկայանին տված հարցազրույցում խոսել է բժշկական գիտությունների թեկնածու, Մոսկվայի պետական համալսարանի կլինիկայի էնդոկրինոլոգ Զուխրա Պավլովան։
«Տեսականորեն, ձեր ծարավը կարող եք հագեցնել գարեջրով, քանի որ ցանկացած սառը ըմպելիք հաճելի կլինի շոգ եղանակին: Բայց գարեջուրը կոնցենտրացված խմիչք է, այն նպաստում է բջիջների հեղուկի նվազեցմանը և միջբջջային տարածքում հայտնվելուն», – բացատրել է բժիշկը:
Այլ կերպ ասած՝ գարեջուրը ջրազրկում է առաջացնում, բայց ոչ թե մաքուր վիճակում, այլ տարբեր հատվածներում ջրի վերաբաշխման միջոցով, ինչը հանգեցնում է նյութափոխանակության գործընթացների խաթարման և վատթարացման և բացասաբար է անդրադառնում մարդու վիճակի վրա, նշել է Պավլովան։
Նա նաև հիշեցրել է, որ գարեջուրը մեծ կալորիականությամբ ըմպելիք է: Եվ եթե շոգին, երբ մարդիկ սովորականից շատ հեղուկ են խմում, գարեջրով հագեցնեն իրենց ծարավը, կարող են ավելորդ քաշ հավաքել և նույնիսկ կարող է առաջանալ ճարպակալման վտանգ:
Էնդոկրինոլոգը նշել է, որ գարեջրից ոչ միայն կարելի է հարբել, այլև դա խմելու հետևանքով՝ շատ ուտել: «Դա արագ հեռանում է ստամոքսից, ուստի հագեցումը կարճատև է, այնուհետև պետք է այլ բան ուտեք և կստանաք մեծ քանակությամբ կալորիաներ: Այսինքն գարեջուրն առաջացնում է գիրացման վտանգ», – եզրափակել է Պավլովան:
