A1News.am-Տոնական միջոցառումներից բացի ևս մեկ կոմպոնենտ է լինելու։ Երևանի հիմնադրման 2750-ամյակին նվիրված շատրվանների պուրակում գործելու է Սուրբ Ծնդդյան տոնավաճառ։
Այն գործելու է դեկտեմբերի 5-ից մինչև 2023-ի հունվարի 6-ը։ Այս մասին քիչ առաջ Երևանի քաղաքապետարանում հայտարարվեց ամանորյա ձևավորմանը նվիրված մամուլի ասուլիսի ժամանակ։
«Միջոցառումների վերջին հատվածը նվիրված է լինելու համերգային ծրագրին, որտեղ ճանաչված արտիստներ են հանդես գալու։ Մեկնարկը կտրվի դեկտեմբերի 9-ին և վերջին համերգը լինելու է 2023 թվականի հունվարի 6-ին։ Ունենալու ենք 7 համերգ, որոնք տեղի են ունենալու 2750-ամյակին նվիրված պուրակում և ունենալու ենք մեծ գալա համերգ՝ դեկտեմբերի 31-ին, ժամը 23։00-ին, Հանրապետության Հրապարակում, որտեղ բոլորս մասնակից ենք լինելու։
Վստահ եմ, որ այս համերգների շարքը նույնպես տպավորոիչ է լինելու իր ծավալով, բովանդակությամբ։ Հուսով եմ, որ մեր երևանցիները, մեր հյուրերը կհավանեն այն, ինչ տեղի է ունենալու»,- ասաց փոխքաղաքապետ Ավինյանը։
