A1News.am-Գեղարքունիքի մարզի Վերին Շորժա վարչական շրջանի ղեկավար Արտյոմ Երանոսյանը «Հրապարակի» հետ զրույցում տեղեկացրեց, որ գյուղը կիսով չափ է այս պահին բնակեցված. մարդիկ սեպտեմբերյան պատերազմի օրերին լքել են տները:
Այս պահին վերանորոգում են գյուղի ջրագիծը, պատրաստվում են աշնանացանին:
«Հիմնական մասը իրենց բարեկամների մոտ, տարբեր տեղերում տեղավորվել են, հանգստանում են երևի այս լարված վիճակից: Մի օր կվերադառնան երևի»,-կատակով ասաց Վերին Շորժայի ղեկավարը:
Պատերազմի ժամանակ վնասված տների լուսամուտներն ու տանիքն արդեն վերանորոգվել են, թեթևակի վերականգվել է, ապրելու համար պիտանի է դարձել՝ տեղեկացրեց Երանոսյանը: