A1News.am-Ներքին Հանդում խաղաղ է, երեկ գիշերվա մոտ 20 րոպե տևող կրակոցներից հետո այլ միջադեպ չի եղել։ Այս մասին այսօր MediaHub.am-ին փոխանցեց Սյունիքի մարզի Ներքին Հանդի վարչական ղեկավար Խաչատուր Բաղդասարյանը։
«Կրակոցներ չկան, գիշերվա դադարից հետո ոչ մի փոփոխություն չի եղել, տարհանում չի եղել»,-ասաց նա։
Հիշեցնենք, որ երեկ թշնամին կրկին կրակ էր բացել հայկական կողմի ուղղությամբ, մասնավորապես, Ներքին Հանդի և Սրաշենի ուղղությամբ։
Թշնամու գործողությունների հետևանքով հայ զինծառայող էր վիրավորվել։ Նրա կյանքին վտանգ չի սպառնում:
