A1News.am-Սյունիքի մարզի Վերիշեն գյուղում այս պահին թշնամու հասցրած վնասներն են հաշվում։
Վերիշենի գյուղապետ Արտակ Զադայանի խոսքով՝ այդ բոլոր վնասները վերականգնելի են, կարևորը՝ բնակչությունից զոհեր չեն եղել։
«Ներկա պահին իրավիճակը հանգիստ է, կրակոցներ չկան։ Վնասներն էլ նկարել ուղարկել ենք պատկան մարմիններին։ Թշնամու կրակոցների հետևանքով վնասվել է չորս շինություն, մի հատն էլ Ակներում է վնասվել, որը Վերիշենին կպած է։ Վնասվել է նաև գյուղից վերև գտնվող մի քանի հեկտար այգի և մեկ անասնագոմի տանիք»,- 168.am-ի հետ զրույցում ասել է Արտակ Զադայանը։
«Երեկ երեկոյան ժամը 20-21-ն ընկած ժամանակահատվածից հետո կրակոցներ առհասարակ չի եղել։ Երեկ ժամը 15։00-ի սահմաններում բնակիչներից մեկը թշնամու կրակոցից վնասվածք է ստացել, վիրավորումը բեկորային է, կյանքին վտանգ չի սպառնում։ Խաղաղ բնակիչը ոտքից է վիրավորվել, մինամյոտի ասկոլկան է մի քանի տեղից խփել, այս պահին հիվանդանոցում է»,- եզրափակեց Արտակ Զադայանը։
