A1News.am-Լրագրող Գևորգ Թոսունյանի գրառումը․ «Կարծում եմ՝ լայնամասշտաբ պատերազմի հավանականությունը փոքր է՝ անկախ այսօրվա տագնապալի ազդակներից։ Ադրբեջանը դեռևս ընտրել է տեղային էսկալացիաների միջոցով Հայաստանի նկատմամբ պարտադրանքների լեզուն։
Ի վերջո, պետք չէ մոռանալ 2021-ի մայիսի 12-ի և հաջորդ օրերի զարգացումները. այդ ժամանակ ադրբեջանական զինուժն ուներ բոլոր հնարավորությունները պատերազմ սկսելու ու հաջողությունների հասնելու. դիրքերից շատերում անգամ զինվորներ չկային, զինված ուժերը դուրս չէին եկել փետրվարյան շոկից (երբ ԳՇ-ն իմպիչմենտ ներկայացրեց վարչապետին), իսկ ՀԱՊԿ-ի արձագանքը պարզապես խայտառակություն էր։
Մինչդեռ այս վերջին ռազմական ագրեսիայից հետո միջազգային հանրությունը, մասնավորապես ԱՄՆ-ն ի ցույց դրեց իր կոշտ արձագանքն Ադրբեջանի գործողություններին ու հստակ աջակցությունը Հայաստանին։
Մեկդ կասի, որ ռուսներն են խառը, կարող է դրանից Ադրբեջանն օգտվել, բայց պետք չի մոռանալ, որ մեր բոլոր աղետները վրա են հասել ռուսների ոչ խառը ժամանակահատվածներում»։
