Լավրովը պատասխանել է Փաշինյանի հայտարարությանը

Լուրեր a1news 2022-08-05 11:31:00 2688
Հետևեք մեզ՝ Telegram-ում
lavrov-pashinyan_JFRGu.jpg

A1News.am-Մոսկվան դեռ չի տեսել Հայաստանի վարչապետ Նիկոլ Փաշինյանի առաջարկները՝ Լեռնային Ղարաբաղում ռուսական խաղաղապահ առաքելության մանրամասները հստակեցնելու մասին։

Այս մասին լրագրողներին հայտնել է ՌԴ ԱԳ նախարար Սերգեյ Լավրովը։

«Ինձ համար դժվար է պատասխանել այս հարցին, քանի որ մենք չենք տեսել կոնկրետ առաջարկներ, որոնք ցանկանում է քննարկել Հայաստանի վարչապետը Լեռնային Ղարաբաղում ռուսական խաղաղապահ գործողության համատեքստում, ուստի ես այժմ չեմ կարող կռահել»,- նշել է դիվանագիտական ​​գերատեսչության ղեկավարը՝ մեկնաբանելով Փաշինյանի՝ Ղարաբաղում ռուսական խաղաղապահ առաքելության հստակեցման հրատապ անհրաժեշտության մասին Փաշինյանի հայտարարությունները։

Լավրովը շեշտել է, որ Հայաստանն իրավունք ունի առաջարկելու լրացուցիչ նախաձեռնություններով հանդես գալ, սակայն մինչ այժմ դրանք չկան։

Поделиться
Класс
Send