A1News.am-Այսօր՝ նոյեմբերի 8-ին, ավտովթար է տեղի ունեցել Արարատի մարզում։
Ժամը 09։10-ի սահմաններում Երևանի բնակիչ 26-ամյա Գևորգ Գրիգորյանը իր վարած Volkswagen մակնիշի ավտոմեքենայով Երևան-Երասխ-Մեղրի ավտոճանապարհի 30 կմ հատվածում, դեպի Արտաշատ ընթանալիս, բախվել է բաժանարար գոտու բետոնե արգելապատնեշին և առաջ ընթանալով, մասամբ հայտնվել ճանապարհի երթևեկելի գոտում։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Գ․ Գրիգորյանը քաղաքացիների օգնությամբ դուրս է բերվել ավտոմեքենայից և օպերատիվորեն ժամանած «Արտաշատի» բժշկական կենտրոնի բժիշկների կոմղից նախ տեղում առաջին բուժօգնությունն է ստացել, ապա տեղափոխվել «Արտաշատ» բժշկական կենտրոն, որտեղից էլ տեղափոխվել է Երևանի «Էրեբունի» բժշկական կենտրոն։
