A1News.am-Երեկ՝ դեկտեմբերի 8-ին, խոշոր ավտովթար է տեղի ունեցել Երևանում։
Ժամը 23։40-ի սահմաններում Ford մակնիշի ավտոմեքենան Սիլիկյան թաղամասից դեպի 4-րդ գյուղ տանող Հուսիս-հարավ նոր կառուցված ճանապարհին, դեռևս անհայտ հանգամանքներում, բախվել է ճանապարհի բաժանարար բետոնե արգելապատնեշին։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների՝ բարեբախտաբար՝ տուժածներ չկան։
Հարվածի հետևանքով էլ մի քանի տոննա կշռող բետոնե արգելապատնեշը կողաշրջվել է։ Օպերատիվորեն ժամանել են ՀՀ ոստիկանության Պարեկային ծառայության Երևանի գնդի 2-րդ գումարտակի 3-րդ վաշտի պարեկներ Էդգար Դարբինյանն ու Արման Սարինյանը։
Վթարի փաստով Պարեկային ծառայության Երևանի գնդում նյութեր են նախապատրաստվում, որտեղ էլ պարզվում է վարորդի ինքնությունը։
