A1News.am-Երեկ՝ հոկտեմբերի 30-ին, խոշոր ավտովթար է տեղի ունեցել Կոտայքի մարզում։
Ժամը 19։30-ի սահմաններում Եղվարդ քաղաքի Երևանյան փողոցում բախվել են Եղվարդի բնակիչներ 17-ամյա Ավագ Արշակյանի վարած Mercedes մակնիշի և 62-ամյա Մուշեղ Ստեփանյանի վարած VAZ 2106 մակնիշի ավտոմեքենաները։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդներից Մ․ Ստեփանյանն ու նրա ուղևոր՝ Եղվարդի բնակիչ 55-ամյա Մարիամ Ստեփանյանը տեղափոխվել են «Արմենիա» բժշկական կենտրոն, իսկ մյուս ուղևոր՝ Երևանի բնակիչ 2-ամյա Մհեր Խ․-ն Երևանի «Սուրբ Աստվածամայր» բժշկական կենտրոն։
Քննիչի հանձնարարականով՝ ավտոմեքենաները տեղափոխվել են ոստիկանության Նաիրիի բաժնի պահպանվող հատուկ տարածք։