A1News.am-Այսօր՝ դեկտեմբերի 1-ին, խոշոր ավտովթար է տեղի ունեցել Արարատի մարզում։ Ժամը 14։15-ի սահմաններում Արարատի մարզի բնակիչ՝ 57-ամյա Վրույր Մ-ն իր վարած Opel Vectra մակնիշի ավտոմեքենայով Դալար գյուղի Արտաշատյան խճուղում՝ թիվ 45 հասցեի դիմաց, դեռևս անհայտ հանգամանքներում դուրս է եկել երթևեկելի գոտուց և գլխիվայր շրջվել։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Վրույր Մ-ն մարմնական վնասվածքներով տեղափոխվել է «Արտաշատ» ԲԿ։
Վիրավորին առաջինը օգնության են հասել քաղաքացիները, և օպերատիվ են գործել Արտաշատի հիվանդանոցի շտապօգնության բժիշկների հերթապահ խումբը, ովքեր մինչև հիվանդանոցի տեղափոխելը, նախ տեղում առաջին բուժօգնությունն են ցուցաբերել վիրավորին, ապա տեղափոխել «Արտաշատի» ԲԿ։
Գ. Շամշյանի տեղեկություններով՝ վարորդ Վրույր Մ-ն աշխատում է ՀՀ ոստիկանության պետական պահպանության գլխավոր վարչության Արտաշատի պահպանության բաժնի ռազմականացված խմբում։
