A1News.am-Երեկ` հունվարի 14-ին, ավտովթար է տեղի ունեցել Տավուշի մարզում։
Ժամը 13։00-ի սահմաններում Կիրանց-Ոսկեպար ավտոճանապարհի 1.7 կմ-ին բախվել են Տավուշի մարզի բնակիչ 32-ամյա Սերգեյ Ա․-ի վարած MAN մակնիշի բեռնատարն ու Երևանի բնակիչ 50-ամյա Կնյազ Ղ․-ի վարած Toyota Ipsum մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Toyota Ipsum-ի ուղևոր Երևանի բնակիչ 50-ամյա Տիգրան Ե․-ն մարմնական վնասվածքներով տեղափոխվել է «Նոյեմբերյան» բժշկական կենտրոն։
Վթարի փաստով քննչական վարչությունում նախաձեռնվել է վարույթ։