A1News.am-Արդեն մոտ 5 ժամ է, Արտակարգ իրավիճակների նախարարության փրկարար ծառայության Էջմիածնի հրշեջ-փրկարարական ջոկատից ժամանած 2 մարտական հաշվարկ գյուղացիների հետ Գայ գյուղում պայքարում են խոտի դեզում առաջացած կրակի տարածման դեմ։
Ինչպես դեպքի վայրից հայտնում է ֆոտոլրագրող Գագիկ Շամշյանը, այս պահին հրշեջները, գյուղացիները գյուղապետի օգնությամբ դեպքի վայր բերված տրակտորով փորձում են մարել կրակը, սակայն հնարավոր չէ, քանի որ կրակը բռնկվել է մոտ 3500 հակ անասնակերում։
Թե ինչն է եղել անասնակերում առաջացած հրդեհի պատճառը, դեռևս պարզ չէ։ Այս պահին աշխատանքները շարունակվում են, սակայն գյուղացին կրել է մի քանի միլիոն դրամի վնաս։
Մանրամասները՝ քիչ ուշ։