A1News.am-Այսօր՝ սեպտեմբերի 1-ին, խոշոր հրդեհ է տեղի ունեցել Արմավիրի մարզում: Ժամը 17:15-ի սահմաններում Արտակարգ իրավիճակների նախարարության փրկարար ծառայութան 911 ճգնաժամային կառավարման կենտրոն ահազանգ է ստացվել, որ հրդեհ է բռնկվել Էջմիածին քաղաքի Կույրերի շենքի տանիքում:
Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել են ԱԻՆ ՓԾ Վաղարշապատի հրշեջ-փրկարարական ջոկատից 4 մարտական հաշվարկ և ավտոսանդուղք:
Շենքից բնակիչները տարհանվել են, այս պահին էլ հրշեջները պայքարում են շենքի տանիքում առաջացած կրակի տարածման դեմ:
Օպերատիվորեն ժամանել է ոստիկանության Վաղարշապատի բաժնի օպերատիվ խումբը՝ բաժնի պետ Արթուր Բդոյանի, բաժնի պետի օպերատիվ գծով տեղակալ Արթուր Ֆիշյանի գլխավորությամբ: Ոստիկանները սահմանազատել են տարածքը, որպեսզի հրշեջները կարողանան առանց խոչընդոտի աշխատեն:
Թե ինչն է եղել հրդեհի պատճառը, պարզվում է: Գ. Շամշյանի տեղեկություններով՝ տարհանվել է մոտ 60 քաղաքացի և այվել է տանիքում մոտ 300 քմ տարածք:
Ըստ նախնական տեղեկությունների՝ տուժածներ չկան:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով
