A1News.am-Այսօր՝ հոկտեմբերի 22-ին, խոշոր ավտովթար է տեղի ունեցել Արարատի մարզում։ ժամը 18:00-ին Արտաշատ-Ազատավան ավտոճանապարհի 5-րդ կմ-ին՝ կամրջի մոտակայքում, բախվել են «Mercedes-Benz», «VAZ-2107» և «VAZ-2106» մակնիշների ավտոմեքենաները:
Մինչ փրկարարների կանչի վայր հասնելը՝ «VAZ-2107» մակնիշի ավտոմեքենայի վարորդին ավտոմեքենայից դուրս են բերել քաղաքացիները ապա ժամանած տեղի փրկարարները տուժածին մոտեցրել են օպերատիվորեն ժամանած Արտաշատի հիվանդանոցի շտապօգնության ավտոմեքենային։
Վերջինս հոսպիտալացվել է «Արտաշատի ԲԿ», այնուհետև՝ «Էրեբունի» ԲԿ․ բժիշկները տուժածի առողջական վիճակը գնահատել են ծանր: «VAZ-2106» մակնիշի ավտոմեքենայի ուղևորն էլ տեղափոխվել է «Արտաշատի ԲԿ»․ բժիշկները նրա առողջական վիճակը գնահատել են բավարար:
Ոստիկանությունն ու քննչական բաժինը պարզում են վարորդների և վիրավորների ինքնութունը։
