A1News.am-Երեկ՝ դեկտեմբերի 24-ին, խոշոր ավտովթար է տեղի ունեցել Շիրակի մարզում։ Ժամը 13։45-ի սահմաններում Երևան-Գյումրի Մ2 ավտոճանապարհի 104 կմ հատվածում բախվել են Արթուր Մխիթարյանի վարած Nissan X-Trail և Եպրաքսյա Քոչարյանի վարած Mercedes ML մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների՝ բարեբախտաբար, տուժածներ չկան։
Մինչ Mercedes-ի և Nissan-ի վթարը, նշված վայրում ինքնավթար է տեղի ունեցել Mitsubishi Pajero iO-ի մասնակցությամբ։
Պարեկային ծառայությունը պարզում է նաև Mitsubishi Pajero iO-ի վարորդի ինքնությունը, և ըստ նախնական տեղեկությունների, այդ վթարում նույնպես, բարեբախտաբար, տուժաներ չկան։