A1News.am-Այսօր՝ նոյեմբերի 15-ին, խոշոր ավտովթար է տեղի ունեցել Արարատի մարզում։ Ժամը 21։30-ի սահմաններում Երևան-Երասխ ավտոճանապարհի 28 կմ հատվածում բախվել են Mercedes և Volvo մակնիշի ավտոմեքենաները։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով օպերատիվորեն ժամանած Արտաշատի բժշկական կենտրոնի բժիշկների կողմից նախ տեղում առաջին բուժօգնությունն են ստացել, ապա տեղափոխվել «Արտաշատ» ԲԿ, որտեղից էլ տեղափոխվել են «Էրեբունի» ԲԿ։
Ֆոտոլրագրողը հայտնում է, որ բախման հետևանքով Mercedes-ը մխրճվել է բաժանարար գոտում տեղադրված երկաթե արգելապատնեշների մեջ, Volvo-ն էլ դուրս է եկել երթևեկելի գոտուց։
Ոստիկանությունն ու քննչական վարչությունը պարզում են վարորդների և վիրավորների ինքնությունը։
