A1News.am-Հուլիսի 16-ին, ժամը 15։29-ի սահմաններում Ջրվեժ-Աբովյան ավտոճանապարհին՝ «Ծիրանի» ռեստորանի մոտակայքում, տեղի ունեցած ՃՏՊ-ի հետևանքով կա զոհ և տուժած:
Դեպքի վայր մեկնած ԱԻՆ հատուկ նշանակության փրկարարական աշխատանքների իրականացման կենտրոնի խումբը պարզել է, որ բախվել են «Մերսեդես բենց E220», «Մերսեդես բենց C180» և «Հունդայի սոնատա» մակնիշների ավտոմեքենաները։
«Մերսեդես բենց C180» մակնիշի ավտոմեքենայի վարորդը տեղում մահացել է, իսկ ուղևորը՝ հոսպիտալացվել Աբովյան քաղաքի ԲԿ։
Փրկարարները հոսանքազրկել են ավտոմեքենաները և սահմանազատել տարածքը։
