A1News.am-Հայաստանը պետք է պատասխանի Ադրբեջանի բարի կամքին , այս մասին այսօր հայտարարել է Թուրքիայի արտգործնախարար Մևլութ Չավուշօղլուն։ Այս մասին տեղեկանում է Yerevan-Times-ը:
Թուրք նախարարը նշել է , որ Ադրբեջանը հաղթանակից հետո ցույց է տվել աշխարհին, որ ցանկանում է խաղաղություն և հանգստություն տարածաշրջանում, և Հայաստանին առաջարկել է համապարփակ խաղաղության համաձայնագիր։
«Ադրբեջանը նույնպես աջակցել է Թուրքիայի և Հայաստանի բանակցություններին։ Մենք միշտ ասում և կոչ ենք անում Հայաստանին արձագանքել այս բարի կամքին։ Երեկվա մեր հանդիպմանը (Ամերիկայի Միացյալ Նահանգներում պետքարտուղար Էնթոնի Բլինքենի հետ խմբ. ) մենք վերահաստատեցինք, որ Թուրքիան և Ադրբեջանը խաղաղություն են ցանկանում և լավ մտադրություններ հայտնեցինք տարածաշրջանային կայունության համար»,- ընդգծել է Թուրքիայի արտգործնախարար Մևլութ Չավուշօղլուն։
