Արտակարգ. Հայաստանի մեծ թվով քաղաքացիներ չեն կարողանում Շարմ Էլ Շեյխի օդանավակայանից վերադառնալ Երևան

Իրադարձային a1news 2022-10-02 19:00:00 516
Հետևեք մեզ՝ Telegram-ում
artakarg-depq_o4wYd.jpg

A1News.am-Արդեն մի քանի ժամ է Shamshyan.com-ը բազմաթիվ ահազանգեր է ստանում Երևանի ու Հայաստանի տարբեր մարզերի քաղաքացիներից, ովքեր արդարացիորեն բարձրաձայնում են, որ իրենց հարազատները արդեն 18 ժամից ավելի է Եգիպտոսից չեն կարողանում վերադառնալ Հայաստան։

Քաղաքացիներն ասում էին․ «Ուզում ենք կառավարությանը, անձամբ՝ վարչապետ Նիկոլ Փաշինյանին ու Արտաքին գործերի նախարար Արարատ Միրզոյանին տեղեկացնենք, որ այսօր՝ հոկտեմբերի 2-ին, ժամը 00։15-ից Շարմ Էլ Շեյխ-Երևան չվերթը, որով պետք է մեծ թվով ՀՀ քաղաքացիներ տեղափոխվեն Երևան, անհայտ պատճառով հետաձգվում է, և քաղաքացիները չեն կարողանում գալ Երևան։

Այնտեղ գտնվող ՀՀ քաղաքացիների հարցերին անկապ պատճառաբանություններ են տալիս։

Մոտ 15-18 ժամ տևողությամբ հետաձգվել է թռիչքը։ Ու քաղաքացիներին որևէ պատճառաբանություն հստակ չեն ներկայացրել ուշացման պատճառների մասին։

Քաղաքացիներին էլ օրենքով սահմանված կարգով հասանելի սնունդ, թեյ սուրճ, ինչպես նաև՝ գիշերակաց չի տրամադրվել։ Այնուամենայնիվ՝ ուղևորների մեծ ջանքերով հաջողվել է մեկ անգամ քաղցրավենիք ստանալ։

Օդանավակայանում են գտնվում անչափահաս մոտ 15-20 երեխաներ, իսկ նման դեպքերում երեխաների նկատմամբ պետք է ցուցաբերվի առանձնահատուկ վերաբերմունք, որը չի ցուցաբերվել։

Մենք ուզում ենք նաև, որ այնտեղ գտվող մեր հարազատները տեղեկանան, թե ինչն է թռիչքի հետաձգման պատճառը։

Ուզում ենք նաև հավատալ, որ այս մասին արդեն, գուցե, տեղյակ են ՀՀ արտաքին գործերի նախարարությունում, ովքեր օպերատիվորեն կարձանագնեք մեր պահանջին ու կապացուցեն, որ Հայաստանի քաղաքացին աշխարհի ցանկացած երկրում իրեն չի կարող զգանալ միայնակ ու անօգնական»։

Поделиться
Класс
Send