A1News.am-Հաղարծին գյուղի մոտ աղջիկն ու տղան գետն են ընկել, տղան չի փրկվել:
Մայիսի 28-ին, ժամը 16։23-ին ահազանգ է ստացվել, որ Հաղարծին գյուղի «Թաքնված ջրվեժ» կոչվող տարածքում աղջիկը մոտ 5 մ բարձրությունից ընկել է գետը, հայտնում են ԱԻՆ-ից։
Պարզվել է, որ նա ինքնուրույն դուրս է եկել գետից, սակայն չի գտնում ընկերոջը և կասկածում է, որ վերջինս նույնպես ընկել է գետը։
Փրկարարները ոստիկանության աշխատակիցների հետ համատեղ գետի երկայնքով (մոտ 10 կմ) և հարակից տարածքներում իրականացրել են որոնողական աշխատանքներ:
07։20-ին փրկարարները գետում հայտնաբերել են Վ․ Բ․ Ս․-ի (ծնված 1993 թ.) դին։
