A1News.am-Այսօր՝ հունիսի 14-ին, խոշոր ու ողբերգական ավտովթար է տեղի ունեցել Վայոց Ձորի մարզում։ Ժամը 14։50-ի սահմաններում Երևան-Երասխ-Մեղրի ավտոճանապարհի 142 կմ հատվածում բախվել են Nissan և Kamaz մակնիշի ցիստեռնով ավտոմեքենաները։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղում մահացել է, 1 հոգի ծայրահեղ ծանր ախտորոշմամբ տեղափոխվել է Վայքի բժշկական կենտրոն։
Քիչ առաջ ֆոտոլրագրողը հայտնեց, որ ոստիկաններն ու քննիչները պարզել են՝ Nissan Teana-ն վարել է Արցախի Հանրապետության Ստեփանակերտ քաղաքի բնակիչ, 21-ամյա Արմեն Մեհրաբյանը, իսկ Kamaz-ը վարել է Կոտայքի մարզի բնակիչ, 52-ամյա Արմեն Մխիթարյանը:
Վթարի հետևանքով Ա. Մեհրաբյանը մարմնական վնասվածքներով տեղափոխվել է Վայքի բժշկական կենտրոն, իսկ նրա ուղևոր, Արցախի Հանրապետության Ստեփանակերտ քաղաքի բնակիչ, 22-ամյա Սեյրան Համբարձումյանը տեղում մահացել է:
Քիչ առաջ ֆոտոլրագրողը հայտնեց, որ ոստիկաններն ու քննիչները պարզել են՝ Nissan Teana-ն վարել է Արցախի Հանրապետության Ստեփանակերտ քաղաքի բնակիչ, 21-ամյա Արմեն Մեհրաբյանը, իսկ Kamaz-ը վարել է Կոտայքի մարզի բնակիչ, 52-ամյա Արմեն Մխիթարյանը: Վթարի հետևանքով Ա. Մեհրաբյանը մարմնական վնասվածքներով տեղափոխվել է Վայքի բժշկական կենտրոն, իսկ նրա ուղևոր, Արցախի Հանրապետության Ստեփանակերտ քաղաքի բնակիչ, 22-ամյա Սեյրան Համբարձումյանը տեղում մահացել է: