A1News.am-Տվյալ պահին ևս կատարվում են որոնողական աշխատանքներ։ Այս պահին ծանր տեխնիկա է աշխտատում, որպեսզի հնարավորություն լինի մոտենալու այն հատվածին, որը մեզ պետք է։ Սրան զուգահեռ իրականացվում է նաև հետախոզում:
Այս մասին քիչ առաջ լրագրողների հետ զրույցում «Սուրմալու»-ի տարածքում ասաց ջոկատներից մեկի հրամանատար, փոխգնդապետ Համբարձում Վարդումյանը։
«Ես այս ոլորտում աշխատում եմ 27 տարի ու կարող եմ ասել, որ բարդությունները միշտ տարբեր են լինում, չի կարելի մեկը մյուսի հետ համեմատել։ Ամեն հատված աշխատանքային իր բարդություններն ունի»,- հավելեց նա։
Լրագրողների դիտարկումներին, թե արդյոք հայտնի է, թե ստույգ որ հատվածքում կարող է լինել քաղաքացին, փոխգնդապետը արձագանքեց․ «Վերապահորեն այո, հայտնի է։ Աշխատում ենք մոտենալ, իրականում բարդ է մոտենալ այն հատվածին, որին կասկածում են։
Այո, անհետ կորած հենց մեկ հոգի ունենք, որին մենք հենց այս պահին, ինչպես ասացի, փնտրում ենք»,- հավելեց նա։
Տեսանյութը ստորև
