A1News.am-Յուրի Շատունովի մահից հետո Youtube-ում հայտնվել է նրա վերջին երգի ձայնագրությունը։ Երգչի մենեջերը նշել է, որ մարգարեական երգ ձայնագրվել է այս տարվա սկզբին․ այն կոչվում է «Ամեն մեկին՝ իրենը»։
Երգը, որը փոփոխությունների և ազատության մասին լիրիկական ստեղծագործություն է, արդեն հավաքել է 1 միլիոն դիտումից ավելի։
Տեսանյութի մեկնաբանություններում օգտատերերը խնդրել են Ռուսաստանի Դաշնության ղեկավարությանը քննարկման դնել երաժշտին հետմահու Ռուսաստանի ժողովրդական արտիստի կոչում շնորհելու հարցը։
Երգի բառերը ապշեցրել են օգտատերերին՝
«Ահա ես թեթեւ թռչունի պես հեռանում եմ իմ երեկվա գերությունից։
Բացում եմ թեւերս ու թռչում՝ թոքերս ազատությամբ լցնելով»։
Շատունովը մահացել է հունիսի 23-ի գիշերը 49 տարեկան հասակում։ Մահվան պատճառը եղել է սրտի կաթվածը։
