A1News.am-Նիկոլի «դարակազմիկ» հոդվածին արձագանքել է ՌԴ նախագահի խոսնակ Պեսկովը, որը, մասնավորապես, հոդվածում տեղ գտած այն պնդումը, թե ՌԴ-ն Հայաստանին պարտադրում է մտնել Ռուսաստան-Բելառուս Միութենական պետության կազմ, որակել է որպես անհեթեթություն: Բացի այդ՝ Պեսկովը կտրականապես հերքել է այն վարկածը, ըստ որի՝ սահմանային վերջին սրացման փաստացի հեղինակը Մոսկվան է, որը իբր նպատակ ունի՝ նման կերպ թելադրելու Հայաստանին իր կամքը:
Նիկոլի հոդվածը, ինչպես և սպասելի էր, ընկալվել է քողարկված այն հակառուսականության կոնտեքստում, որի գաղտնի քարոզիչն է այսօր Նիկոլը, որ շատ է սիրում պարբերաբար խորհրդակցել արևմտամոլ այն գործիչների հետ, որոնց հաճախ կարելի է տեսնել, կարդալ ու լսել իշխանական ԶԼՄ-ներում:
Ինչպես հայտնի է, շուտով Սիմոնյան Ալենը մեկնելու է Մոսկվա՝ ի թիվս այլ հարցերի քննարկելու նաև Հայաստան-ՀԱՊԿ հարաբերությունները: Այդ մասին նա լրագրողներին է ասել՝ չբացառելով, որ Հայաստանը ՀԱՊԿ-ից կարող է դուրս գալ:
Ըստ այդմ՝ հարց է առաջանում, թե ի՞նչ արձագանքի կարժանացնի Մոսկվան Ալենի ուլտիմատումը, հանգիստ խղճով, առանց նյարդայնանալու ցտեսությո՞ւն կասի Հայաստանին, թե՞ կճնշի, որ Ալենը չկորցնի իրականության զգացումը: Պեսկովի խոսքերից հետևում է, որ եթե Երևանը դնի ՀԱՊԿ-ից դուրս գալու հարցը, Մոսկվան առանձնապես չի ընդդիմանա՝ հատկապես նկատի ունենալով այն, որ ՌԴ-ից մեկ անգամ չէ, որ հնչել է պատրաստակամություն՝ հարկ եղած դեպքում նույնիսկ դուրս բերելու Հայաստանից 102-րդ ռազմակայանը: Ուղղակի հարցն այն է, թե ի՞նչ կլինի դրանից հետո, քանի՞ ժամ կդիմանա Հայաստանը, եթե Արևմուտքն այդպես էլ չի շտապում անվտանգային երաշխիքներ տալու հարցում, իսկ Էրդողանն էլ հայտարարել է, որ ոչ ոք չի կարող սահմանափակել Թուրքիայի հորիզոնը 780 հազար քառակուսի կիլոմետրով:
Երևի Նիկոլն իր կարճ խելքով փորձել է շանտաժի ենթարկել Ռուսաստանին՝ ՀԱՊԿ-ից օգնություն ստանալու հույսով: Մտածում է, թե եթե հանրության շրջանում առաջացնի հակառուսական տրամադրություններ, ռուսները վախից ինչ ունեն-չունեն կտան Հայաստանին՝ հերոսացնելու Նիկոլին, որն էլ, իր հերթին, այդ տվածը զարտուղի ճանապարհներով կհանձնի Իլհամին, որ վերջինս ավելի արագ գրավի Հայաստանը: Այնինչ ստացվելու է հակառակը, ու Նիկոլի գեղացի տրյուկներն աշխատելու են հենց իր դեմ: Ուղղակի ցավն այն է, որ այդ ամենի հետևանքով տուժելու է ոչ թե թրքասեր Նիկոլը, այլ Հայաստանում ապրող ժողովուրդը՝ կորցնելով սեփական պետությունը:
Նյութի աղբյուր՝ https://t.me/armeniainfo11/816
