A1News.am-Նոյեմբերի 24-ին՝ ժամը 18:30-ի սահմանում, Սոլնեչնոգորսկայա փողոցի բարձրահարկ շենքի բնակչուհին տեսահսկման համակարգի էկրանի վրա նկատել է, որ երկրորդ հարկի բնակարաններից մեկի վարձակալը՝ Աշոտ անունով (անունը փոխված է), մոտեցել է մուտքի դռանը։ Այդ պահին գլխարկով մի անհայտ տղամարդ թիկունքից հարձակվել է նրա վրա ու սկսել ծեծել։
Հարձակվողը բղավել է, որ կսպանի նրան, ապա հետևել է մոտ 7 կրակոց, որից հետո հանցագործը հանգիստ հեռացել է։ Բժիշկներն ու ոստիկաններն արնահոսող Աշոտին գտել են մուտքի մոտ:
Կասկածյալը, որը բերման է ենթարկվել տաք հետքերով, ոստիկաններին հայտնել է, որ շփոթվել է և սխալ մարդու է փորձել սպանել:
Երիտասարդի մոտ ախտորոշվել են գլխի, կրծքավանդակի, որովայնի բազմաթիվ վնասվածքներ։ Նա գիտակից վիճակում է եղել, բայց շոկի պատճառով ոչինչ չի կարողացել բացատրել։
