A1News.am-SHAMSHYAN.com-ի տեղեկություններով՝ այսօր՝ դեկտեմբերի 27-ին, ողբերգական դեպք է տեղի ունեցել ՀՀ արդարադատության նախարարության Քրեակատարողական ծառայության «Նուբարաշեն» քրեակատարողական հիմնարկում։
Ինչպես հայտնում է ֆոտոլրագրող Գագիկ Շամշյանը, ժամը 01։00-ից 01։40-ի սահմաններում «Նուբարաշեն» քրեակատարողական հիմնարկից ահազանգ է ստացվել, որ իրենց մոտ գտնվող դատապարտյալը մահացել է։
Ոստիկաններն ու քննիչները պարզել են, որ մահացածը 46-ամյա Արման Խալեպյան է, ով դատապարտված է եղել ՀՀ ՔրՕրի 177 հոդվածի 3-րդ մասի 1․1 կետի, 177 հոդվածի 2-րդ մասի 3-րդ կետի հատկանիշներով, և նրա դին հայտնաբերվել է բանտի 5-րդ մասնաշենքի թիվ 89 խցում։ Արտաքին զննությամբ՝ դիակի վրա բռնության հետքեր չեն հայտնաբերվել։
Նրա ինքնազգացողությունը վատացել է, կանչել են շտապօգնություն, բժիշկները նրան տարել են հիվանդանոց, ապա հետ են բերել բանտ, որտեղ էլ որոշ ժամանակ անց արձանագրվել է մահը։
