A1News.am-Այսօր՝ նոյեմբերի 12-ին, ողբերգական ավտովթար է տեղի ունեցել Կոտայքի մարզում։
Ժամը 04։20-ի սահմաններում Տավուշի մարզի բնակիչ 21-ամյա Մհեր Սարգսյանը իր վարած Opel մակնիշի ավտոմեքենայով Երևան-Սևան ավտոճանապարհի 48 կմ հատվածում, դեպի Տավուշի մարզ ընթանալիս, դուրս է եկել ճանապարհի երթևեկելի գոտուց, բախվել ծառին։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Մ․ Սարգսյանն ու նրա ուղևոր՝ Տավուշի մարզի բնակիչ 21-ամյա Դերենիկ Առուստամյանը տեղում մահացել են։ Իսկ մյուս ուղևոր՝ Տավուշի մարզի բնակիչ 23-ամյա Ալիկ Քոչարյանը մարմնական վնասվածքներով տեղափոխվել է «Հրազդան» բժշկական կենտրոն։
Հրշեջ-փրկարարները ավտոմեքենայից մեծ դժվարությամբ, օգտագործելով հատուկ տեխնիկա, դուրս են բերել դիերը, ապա պատգարակով մոտեցրել «Հրազդան» բժկական կենտրոնի դիատարին։