A1News.am-Այսօր՝ նոյեմբերի 25-ին, ողբերգական ավտովթար է տեղի ունեցել Արմավիրի մարզում։ Ժամը 18։30-ի սահմաններում Արմավիրի մարզի բնակիչ՝ 68-ամյա Հրաչ Կ-ն իր վարած Nissan XTrail մակնիշի ավտոմեքենայով Երևան-Մարգարա ավտոճանապարհի 1-ին կմ հատվածում բախվել է ճանապարհի թույլատրելի հատվածում կայանված բեռնատար կցորդիչին։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Հրաչ Կ-ն տեղում մահացել է։ Նրա դին ավտոմեքենայից դուորս են բերել օպերատիվորեն ժամանած ԱԻՆ ՓԾ Վաղարշապատի թիվ 29 հրշեջ փրկարարական ջոկատի հրշեջ-փրկարարները՝ օգտագործելով հատուկ տեխնիկա, այնուհետև հոսանքազրկել են ավտոմեքենան և փակել գազաբալոնի փականը։
Ըստ նախնաման տեղեկությունների՝ հնարավոր է՝ վթարի պատճառը լինի վարորդի ինքնազգացողության վատացումը։ Դեպքի վայրում հավաքվածներն էլ ասում էին, որ վարորդը մեկնում էր իր ազգականներից մեկի հոգեհանգստի արարողությանը, ավտոմեքենայի մեջ էլ կար ծաղկեպսակ։
Քննիչի հանձնարարականով ավտոմեքենան քարշակի միջոցով տեղափոխվեց ոստիկանության Վաղարշապատի բաժնի պահպանվող հատուկ տարածք։
