A1News.am-Այսօր գիշեր՝ ժամը 04:00-ի սահմաններում, Վրաստանում ինքնասպան է եղել 1966 թվականին ծնված հայ կին։ Նա ցած է նետվել նախկին զինվորական ավանը Ախալքալաք քաղաքի հետ կապող կամրջից:
Վերջինս մահացել է հիվանդանոց տեղափոխվելուց րոպեներ անց:
Մեր տեղեկություններով՝ մահացողը Ախալքալաք քաղաքի բնակիչ է եղել: Ինչպես հայտնում է Jnews լրատվականը, տեղում մարդիկ են եղել, որոնք փորձել են կանխել ու ոստիկանություն կանչել։ Կինը նետվել է ոչ թե կամրջի կենտրոնական հատվածից, այլ քաղաքի կողմից՝ եզրին ավելի մոտ տեղից, որտեղ կամրջի բարձրությունը մոտ 15-20 մետր է։
Ընկնելուց հետո նա ողջ է եղել դեռ, սակայն կյանքի հետ անհամատեղելի վնասվածքներ է ստացել։
