A1News.am-Այսօր՝ հունվարի 17-ին, արտակարգ դեպք է տեղի ունեցել Կոտայքի մարզում։ Ժամը 18։00-ի սահմաններում Զովունի գյուղում՝ Զովունու գյուղապետարանի հարևանությամբ գործող ավտոմեքենաների գազաբալոնային համակարգերի տեղադրման կայանում տեղի է ունեցել պայթյուն։
Ինչպես դեպքի վայրից հայտնում է ֆոտոլրագրող Գագիկ Շամշյանը, պայթյունի հետևանքով 3 հոգի տարբեր աստիճանի այրվածքներով տեղափոխվել են Երևան Այրվածքածաբանության ազգային կենտրոն։
Ֆոտոլրագրողը հայտնում է, որ պայթյունի հետևանքով տեղի է ունեցել հսկայական փլուզում, կոտրվել են ապակիները։
Դեպքի փաստով Նաիրիի քննչական բաժնում նախաձեռնվել է վարույթ, ոստիկանությունն ու քննչական բաժին պարզում են վիրավորների ինքնությունը։ Պարզվում է նաև, թե ինչ հանգամանքներում է տեղի ունեցել պայթյունը։
Ֆոտոլրագրողը հայտնում է նաև, որ առաջին իսկ պահից դեպքի վայրում է եղել Զովունու համայնքի ղեկավար Արտաշես Ղարիբյանը, ով մի քանի քաղաքացիների օգնությամբ մինչև շտապօգնության ժամանումը, օգնություն է ցուցաբերել վիրավորներին։