A1News.am-Այսօր՝ հունիսի 12-ին, արտակարգ դեպք է տեղի ունեցել Երևանում:
Ժամը 14:50-ի սահմաններում Արտակարգ իրավիճակների նախարարության փրակարար ծառայության 911 ճգնաժամային կառավարման կենտրոն ահազանգ է ստացվել, որ Կիևյան 8 շենքի դիմաց քամու հետևանքով ծառը կոտրվել և ընկել է ճանապարհի թույլատրելի հատվածում կայանված Opel մակնիշի ավտոմեքենայի վրա:
Փրկարարները՝ թաղապետարանի աշխատակիցների հետ, ավտոմեքենայի վրայից հեռացրին կոտրված ծառը: Թե ով է փոխհատուցելու քաղաքացուն պասճառված վնասը, ինչպես միշտ այդ հարցը մնում է օդից կախված: Բարեբախտաբար, տուժածներ չկան:
Պարեկային ծառայությունը պարզում է Opel-ի սեփականատիրոջ ինքնությունը:
