Պարզվել է վթարի ենթարկված վարորդների անունները

A1News.am-Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի ավագ քննիչ Հովհաննես Մարգարյանի կողմից նյութերի նախապատրաստման ընթացքում պարզվել է երեկ՝ նոյեմբերի 2-ին, Հրազդանի կիրճում, Դավիթաշենի կամրջի հարևանությամբ տեղի ունեցած ավտովթարի հետևանքով Mazda 6 և Nissan Tiida մակնիշի ավտոմեքենաների վարորդների ինքնությունը։

Ինչպես հայտնում է ֆոտոլրագրող Գագիկ Շամշյանը, Mazda 6-ը վարել է Երևանի բնակիչ՝ 71-ամյա Լյովա Կազինյանը։ Իսկ Nissan-ը վարել է Տավուշի մարզի բնակիչ՝ 38-ամյա Էդուարդ Ղալթաշյանը։

Վթարի հետևանքով հիվանդանոց է տեղափոխվել Mazda-ի վարորդը։

Ինչպես ավելի վաղ դեպքի վայրից հայտնել էր ֆոտոլրագրողը, նոյեմբերի 2-ին ավտովթար էր տեղի ունեցել Երևանում։ Ժամը 08։30-ի սահմաններում Հրազդանի կիրճում՝ Դավիթաշենի կամրջի հարևանութամբ, բախվել էին Mazda 6 և Nissan Tida մակնիշի ավտոմեքենաները: 

Ֆոտոլրագրողը հայտնել էր, որ բախման հետևանքով Mazda-ն դուրս էր եկել երթևեկելի գոտուց և կիսաօդային վիճակում հայտնվել Հրազդան գետի ափին, ծառերի վրա։