A1News.am-Հողերը ՄԱԿ–ով կամ այլ կառույցով հետ բերել հնարավոր չէ, այն նվաճում են արյունով։ «Աբովյան Time»–ի եթերում այս տեսակետը հայտնեց ՀՀ ժողովրդական արտիստ, դերասան Հրանտ Թոխատյանը։
«Դա աքսիոմա է։ Պետք է կռվես, որ քո հողը քոնը լինի։ Զոհե՞ր ենք տալու, ամբողջ պատմության մեջ ենք մենք զոհեր տվել, և չկա այնպիսի ազգ, որն այսօր ամենաբարեկեցիկ երկիրն է ու զոհեր տված չլինի»,– նշեց Թոխատյանը։
Մարդկությունը երկրագնդի վրա խաղաղ զրուցելով հարցեր չի լուծում։ Եթե անգամ հայերը չցանկանան կռվել, միևնույն է` թշնամին առանց կռվի է փորձելու արյուն թափել.
«Ավելի լավ է արդար կռվով տունդ պահես, քան քեզ տանեն, գառան պես մորթեն ու գնան առաջ»։
